✍تۆ یەک ڕۆژ نیت
هەموو ساڵیت!.
تۆ یەک وشە و یەک کتێب و
یەک گڵۆپ و یەک نیگار و
یەک تابلۆ نیت!.
گەر دەقیقەیەک دیار نەبی
سەعات دڵی ئەوەستێت و
ماڵ کوێر ئەبێ و
پەلکەگیای ساوا ئەمرێت و
شەقام ئەگری و
باڵندەکان ڕەش ئەپۆشن و
شیعریش بۆ خۆی هەڵئەوەرێ!.
تۆ بە تەنها بای بارانی
هەشتی مارس نیت.
ئەی قوڵپی خوێنی هاوین و
پرچی شەوانی پاییز و
کلووی بەفری خۆشەویستیی
گەر تۆ نەبی؟
ئەبێ کێ بێ؟!
ژن. ژن. ژن
تۆ ژیانی!
شێرکۆ بێکەس
هەست و نەست
٨ی مارس، ڕۆژی جیهانی ژن
لە هەموو ژنان و پیاوانی یەکسانیخوازی کوردستان و ئێران و جیهان پیرۆز بێت.🌹
سه شنبه ۱۷ اسفند ماه ۱۴۰۰
کارگرنیوز
Karegarnews
هیچ نظری موجود نیست:
ارسال یک نظر